Lunglei the 9th, Khungchawi Thla,2024: Chawhnu khan Lunglei Municipal Council Chairman Pu Lalzuithanga kaihhruaiin Board of Council Hall ah Municipality area chhung a kawtthler leh kawngpui (Streets/Roads) hming vuah leh chenna in(Household)  chhinchhiah chungchang ngaihtuah in committee neih a ni.

Committee chuan Munipality area chhung a kawtthler hming vuah leh kawngpui hming vuah hrim hrim hi Municipality thuneihna a ni a. Lunglei khawpui chhungah Local Council area hrang hrangah hming awm tawh sa thlak ngai emaw hming la awmlo vuah thar ngaite mumal taka hming sak tulna te pawh a awm niin a lang a. November 2024 chhung hian report  thehluh theih nise tih a ni. Committee chuan hetiang hian ruahmanna a siam. Chairman ah Ward Councillor, Member te Local Council Chairman , President YMA/MUP/MHIP te leh Prominent  Citizen atang in member pahnih Local Council Chairman in a ruat ang tih rel a ni.

Municipality area chhung a chenna in chhinchhiah (numbering) hi Municipaty thuneihna a ni a. Local Council area hrang hrangah tihdan a in anglo nual a, chenna in chhinchhiah hi LMC ang a tihdan rualkhai hi a pawimawh a. Committee chuan chenna in chhinchhiah chu a ngai angin kalpui nise chhichhiahna -ah LMC hi ziahlan nise tih rel a ni bawk.

He commttee ah hian Executive Councillor, Chief Executive Officer, DLAO, Sub Hqrs YMA leh Sub Hqrs MHIP te an tel a ni.