Vawiin chawhnu Inrinni Ni 19th July 2025 chawhnu dar 1 khan Pu Zorinsanga Hmar, Executive Councillor chuan Garbage Free City Lunglei Project hnuai ah a ward chhung Salem veng a chhungkaw 200 te bakah vengchhunga school leh public area a hman tur bawlhhlawh bawm 23, VDP te hnenah  Walkie talkie 4 leh Salem veng local Council te hnen ah pawisa fai Rs 30,000 hlanna hun a nei ani .
He hun ah hian Pu Donny Lalruatsanga CEO, LMC in thusawiin LMC din anih atanga a hmalakna hrang hrang te tarlanna hun anei a state Sorkar in LMC a duhsak zia sawiin vbc 20 man project hrang hrang LMC in a thehluh te tender theih mai tura peihfel anih tawh thusawiin hei bakah hian Property Tax chu mipui ten an huphurh leh an er lawk ang hu aiin an chawi tlem avangin mipui  pawh an lawm ni a a hriat thu a sawi a ni . Tin, Building regulation thar a tak a kalpui tan anih tawh thu sawiin vangtlang kawng nep chep zawnga in sa te chungah action khauh zawk lak anih tur thu tarlangin Parking chungchang ah pawh LMC in enforcement staff leh traffic police te tangkawpin nasa lehzuala hmalak anih tur thu a tarlang bawk . Pu Donnya hian Salem veng mipui te chungah lawmthu sawiin faina kawnga khawtlang hruaitu te nen hma an lo lak tawhna chu entawntlak anih thu sawiin Garbage Free City Lunglei project kalpui mek ah pawh sulsutu pawimawh tak an nih thu a sawi ani. 
He hun ah hian Pu Zorinsanga Hmar Executive Councillor in lawmthu sawina hun neiin Ward chhunga LMC hmalakna hrang hrang leh hmachhawp te sawilangin SDG lawmman an dawn atangin Ward chhung mipui te tan a thlawn a puanthui zirna leh mi harsa zawk te tan free tution leh a thlawn a buhfai sem tum anih thu a sawi bawk ani. Ward chhunga development hnathawh kawngah mipui te duhthusam loh a hna an thawk anih chuan a hnen ah hrilh zel tur in a ngen a, an hnathawh that leh that loh kawngah thikthu pe chhe turin a ngen bawk ani .