Ni 24.03.2026 Thawhlehni  hian LMC Board of Councillors Meeting, BoC Hall Convention Center ah neih a ni a. Meeting hi LMC Vice Chairman Pu K. Lalrinawma'n a kaihruai a ni.

          Vice Chairman, LMC Pu K.Lalrinawma chuan Mizoram sorkarin a enkawl danah leh a duhsaknaah lawmthu a sawi a. Lunglei khawpuiin kawng hrang hranga hmasawnna hmel a hmu chho zel chu lawmawm a tih thu a sawi bawk. LMC Councillor te pawh an Ward an enkawlna theuhah theihtawp an chhuaha a hriat thu leh eirukna leh hlemhletna lakah pawh an fihlim tlang hle nia a hriat thu leh lawmawm a tih thu a tarlang.

Thurel te :

1.     Lunglei Ni Thlirletna:

Kumin March Ni 4 a Lunglei Ni hman chu a hlawhtling hle a hriat anih thu tarlan a ni a. Kum dangah pawh changtlung zawk leh uar zawka hman thin ni se tih a ni.

2.     2026-2027 LMC Budget:

Kum 2026 -2027 LMC Budget atan Rs. 18,95,62,000 /- ruahman chu pawm a ni.

3.     Fai in elna:

Lunglei Municipal Council huamchhunga veng fai in elna siam ni se tih a ni a, hemi atan hian Cheng nuainga (Rs 5,00,000) ruahman niin Municipal Sanitation Committee in lo bawhzui se tih a ni

4.     Krismas dawna No Vehicle Zone buatsaih:

Kum 2026 Krismas dawnah No Vehicle Zone siam ni se tih a ni.

5.     Lunglei Park, Chanmari II:

Rural Development & Administration Department atangin Lunglei Park, Chanmari II ami chu LMC kutah hlan anih tak avangin he Park cheibawl hna leh enkawl chhunzawm dan tur chu ruahmanna siam thuai ni se tih a ni a. Hun remchang hmasa berah LMC Councillor ten a huhovin a hmun ngeiah hmalak dan tur enho ni se tih a ni bawk.